നിറങ്ങളിലൂടെ ഭാഗ്യം തേടിയെത്തും

ഒാരോ ദിനങ്ങളും സൗരയുഥത്തിലെ ഒാരോ ഗ്രഹങ്ങളെയാണ് സൂചിപ്പിക്കുന്നത്. നമ്മുടെ ജീവതത്തെയും ജീവിതചര്യയെയും ഈ ഗ്രഹങ്ങള്‍ വ്യക്തമായി സ്വാധീനിക്കുന്നുണ്ട്. ഒാരോ ഗ്രഹങ്ങളും. ഈ ഒാരോ ഗ്രഹങ്ങളും നിറങ്ങളുമായി ബന്ധപ്പെട്ടിരിക്കുന്നു. ഇതാണ് ആഴ്ചയിലെ ഒാരോ ദിവസത്തിനും പ്രത്യകമായ നിറങ്ങളുണ്ടെന്ന് പറയുന്നത്. നിങ്ങളുടെ മൂഡിനെയും ജോലിയെയും ഈ നിറങ്ങള്‍ക്ക് സ്വാധീനിക്കാനാവും. നിങ്ങളുടെ അഭിവൃദ്ധിക്ക് വേണ്ടി ഗ്രഹങ്ങളുമായി ബന്ധപ്പെട്ടിരിക്കുന്നതിന് അനുയോജ്യമായ നിറങ്ങള്‍ ധരിക്കുക.


ഒാരോ ദിവസത്തെയും ഭാഗ്യ നിറങ്ങള്‍:

ഞായറാഴ്ച
ആഴ്ചയിലെ അവസാന ദിവസമായ ഞായറാഴ്ചയുടെ അധിപന്‍ സൂര്യനാണ്. ധൈര്യം, കീര്‍ത്തി, അഹന്ത, ആരോഗ്യം, ആഡംബരം തുടങ്ങിയ കാര്യങ്ങളെ നിയന്ത്രിക്കുന്നത് സൂര്യനാണ്. മഞ്ഞ, ചുവപ്പ്, ഒാറഞ്ച് തുടങ്ങിയ നിറങ്ങളാണ് ഈ ദിനത്തില്‍ ധരിക്കേണ്ടത്.


തിങ്കളാഴ്ച
ആഴ്ചയിലെ ആദ്യ ദിനമാമായ തിങ്കളാഴ്ച ചന്ദ്രനുമായി ബന്ധപ്പെട്ടിരിക്കുന്നു. ഭക്തി, സന്തോഷം, ശക്തി, നിദ്ര, സമ്പത്ത്, തുടങ്ങിയവയെയാണ് ചന്ദ്രന്‍ പ്രതിനിധീകരിക്കുന്നത്. ചന്ദ്രന്‍റെ നിറമായ വെളുപ്പ് തന്നെയാണ് തിങ്കളാഴ്ചയുടെയും നിറം. ആയതിനാല്‍ തിങ്കളാഴ്ച ദിവസം വെള്ള, ഇളം നീല നിറത്തിലുള്ള വസ്ത്രങ്ങള്‍ ധരിക്കുക.


ചൊവ്വാഴ്ച
ചൊവ്വഴ്ച യഥാക്രമത്തില്‍ ചൊവ്വയുമായി ബന്ധപ്പെട്ടിരിക്കുന്നു. വിശ്വാസ്യത, മനോബലം, എന്നിവ ചൊവ്വക്ക് ആധിപത്യമുള്ളവയാണ്. ചുവപ്പ്, ഒാറഞ്ച് ഏന്നീ നിറങ്ങള്‍ ചൊവ്വയുമായി ബന്ധപ്പെട്ട നിറങ്ങളാണ്. ഇൗ ദിനങ്ങളില്‍ ഇവ ധരിക്കാന്‍ ശ്രദ്ധിക്കുക.


ബുധനാഴ്ച
ഈ മൂന്നാം ദിവസം ബുധനുമായി ബുധനുമായി ബന്ധപ്പെട്ടിരിക്കുന്നു. ബുദ്ധി, യുക്തിവിചാരം, ബിസിനസ്, അക്കാദമിക് രംഗം തുടങ്ങിയവയെ നിയന്ത്രിക്കുന്നത് ബുധനാണ്. ഈ ദിവസം പച്ച നിറത്തിലുള്ള വസ്ത്രങ്ങള്‍ ധരിക്കുകയാണെങ്കില്‍ മംഗളകരമായ കാര്യങ്ങള്‍ സംഭവിക്കും.


വ്യാഴാഴ്ച
വ്യാഴം എന്ന ഗ്രഹമാണ് ഈ ദിനത്തിന്‍റെ അധിപന്‍. സാമര്‍ത്ഥ്യം, ബുദ്ധി, ഭാഷ, സമ്പത്ത്, സഹോദര സ്നേഹം, തുടങ്ങിയ ഈ ദിനത്തിന്‍റെ പ്രത്യേകതയാണ്. മഞ്ഞ നിറമുള്ള വസ്ത്രങ്ങള്‍ ഈ ദിനത്തില്‍ ധരിക്കുകയാണെങ്കില്‍ ഈ ഐശ്വര്യങ്ങളെല്ലാം നിങ്ങളെ തേടിയെത്തും.


വെള്ളിഴാഴ്ച
വെള്ളി ശുക്രനുമായാണ് ബന്ധപ്പെട്ടിരിക്കുന്നത്. വിവാഹം, ദാമ്പത്യബന്ധങ്ങള്‍, സ്നേഹം, സൗന്ദര്യം, സമ്പത്ത്, തുടങ്ങിയവയെ സൂചിപ്പിക്കുന്നതും ശുക്രന്‍ തന്നെയാണ്. ഇവ നേടിയെടുക്കണമെങ്കില്‍ ഈ ദിവസം പിങ്ക് നിറത്തിലുള്ള വസ്ത്രങ്ങള്‍ ധരിക്കുക.


ശനിഴാഴ്ച
ശനിയാണ് ഈ ദിവസത്തെ നിയന്ത്രിക്കുന്നത്. വാര്‍ധക്യം, രോഗം, കടങ്ങള്‍, ദേഷ്യം, അത്യാഗ്രഹം തുടങ്ങിയ കാര്യങ്ങള്‍ നിയന്ത്രിക്കുന്നത് ശനിയാണ്. ശനി മോശമാണെങ്കില്‍ നിങ്ങള്‍ക്ക് പ്രശ്നങ്ങള്‍ കൂടുതലായിരിക്കും. കറുത്ത വസ്ത്രങ്ങള്‍, നീല വസ്ത്രങ്ങള്‍ ഈ ദിവസത്തില്‍ ധരിക്കുക.